تھا مجھے وہم و گماں کی وہ فقط میری ہے
اور اس نے بھی بھرم میرا بنائے رکھا

عکس سمستی پوری

---

---

تو صرف میری ہے اس کا غرور ہے مجھ کو
اگر یہ وہم میرا ہے تو کوئی بات نہیں

عکس سمستی پوری

---

---

اس نے یوں راستہ دیا مجھ کو
راستے سے ہٹا دیا مجھ کو

عکس سمستی پوری

---

---

یار میں اتنا بھوکا ہوں
دھوکا بھی کھا لیتا ہوں

عکس سمستی پوری

---

---

آئے ہو نمائش میں ذرا دھیان بھی رکھنا
ہر شے جو چمکتی ہے چمک دار نہیں ہے

عالم خورشید

---

---

اب کتنی کار آمد جنگل میں لگ رہی ہے
وہ روشنی جو گھر میں بے کار لگ رہی تھی

عالم خورشید

---

---

اہل ہنر کی آنکھوں میں کیوں چبھتا رہتا ہوں
میں تو اپنی بے ہنری پر ناز نہیں کرتا

عالم خورشید

---

---