اب جی میں ہے کہ ان کو بھلا کر ہی دیکھ لیں
وہ بار بار یاد جو آئیں تو کیا کریں

اختر شیرانی

---

---

اب تو ملیے بس لڑائی ہو چکی
اب تو چلئے پیار کی باتیں کریں

اختر شیرانی

---

---

اب وہ باتیں نہ وہ راتیں نہ ملاقاتیں ہیں
محفلیں خواب کی صورت ہوئیں ویراں کیا کیا

اختر شیرانی

---

---

اے دل وہ عاشقی کے فسانے کدھر گئے
وہ عمر کیا ہوئی وہ زمانے کدھر گئے

اختر شیرانی

---

---

بجا کہ ہے پاس حشر ہم کو کریں گے پاس شباب پہلے
حساب ہوتا رہے گا یا رب ہمیں منگا دے شراب پہلے

اختر شیرانی

---

---

بھلا بیٹھے ہو ہم کو آج لیکن یہ سمجھ لینا
بہت پچھتاؤ گے جس وقت ہم کل یاد آئیں گے

اختر شیرانی

---

---

دل میں لیتا ہے چٹکیاں کوئی
ہائے اس درد کی دوا کیا ہے

اختر شیرانی

---

---