رہ جائے گی یہ ساری کہانی یہیں دھری
اک روز جب میں اپنے فسانے میں جاؤں گا

اکبر معصوم

---

---

ترے غرور کی عصمت دری پہ نادم ہوں
ترے لہو سے بھی دامن ہے داغ دار مرا

اکبر معصوم

---

---

اجالا ہے جو یہ کون و مکاں میں
ہماری خاک سے لایا گیا ہے

اکبر معصوم

---

---

وہ اور ہوں گے جو کار ہوس پہ زندہ ہیں
میں اس کی دھوپ سے سایہ بدل کے آیا ہوں

اکبر معصوم

---

---

عقل والوں میں ہے گزر میرا
میری دیوانگی سنبھال مجھے

اکھلیش تیواری

---

---

بے سبب کچھ بھی نہیں ہوتا ہے یا یوں کہیے
آگ لگتی ہے کہیں پر تو دھواں ہوتا ہے

اکھلیش تیواری

---

---

ہنسنا رونا پانا کھونا مرنا جینا پانی پر
پڑھیے تو کیا کیا لکھا ہے دریا کی پیشانی پر

اکھلیش تیواری

---

---