قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

میاں داد خاں سیاح

---

---

طرۂ کاکل پیچاں رخ نورانی پر
چشمۂ آئینہ میں سانپ سا لہراتا ہے

میاں داد خاں سیاح

---

---

اب کسی درد کا شکوہ نہ کسی غم کا گلا
میری ہستی نے بڑی دیر میں پایا ہے مجھے

مغیث الدین فریدی

---

---

ہے فریدیؔ عجب رنگ بزم جہاں مٹ رہا ہے یہاں فرق سود و زیاں
نور کی بھیک تاروں سے لینے لگا آفتاب اپنی اک اک کرن بیچ کر

مغیث الدین فریدی

---

---

ہم نے مانگا تھا سہارا تو ملی اس کی سزا
گھٹتے بڑھتے رہے ہم سایۂ دیوار کے ساتھ

مغیث الدین فریدی

---

---

اس دور میں انسان کا چہرہ نہیں ملتا
کب سے میں نقابوں کی تہیں کھول رہا ہوں

مغیث الدین فریدی

---

---

صرف الفاظ پہ موقوف نہیں لطف سخن
آنکھ خاموش اگر ہے تو زباں کچھ بھی نہیں

مغیث الدین فریدی

---

---