نہ سکندر ہے نہ دارا ہے نہ قیصر ہے نہ جم
بے محل خاک میں ہیں قصر بنانے والے

مرزارضا برق ؔ

---

---

نہیں بتوں کے تصور سے کوئی دل خالی
خدا نے ان کو دیے ہیں مکان سینوں میں

مرزارضا برق ؔ

---

---

پوچھا اگر کسی نے مرا آ کے حال دل
بے اختیار آہ لبوں سے نکل گئی

مرزارضا برق ؔ

---

---

عریاں حرارت تپ فرقت سے میں رہا
ہر بار میرے جسم کی پوشاک جل گئی

مرزارضا برق ؔ

---

---

چمن میں شب کو گھرا ابر نو بہار رہا
حضور آپ کا کیا کیا نہ انتظار رہا

مرزا شوقؔ  لکھنوی

---

---

دیکھ لو ہم کو آج جی بھر کے
کوئی آتا نہیں ہے پھر مر کے

مرزا شوقؔ  لکھنوی

---

---

گئے جو عیش کے دن میں شباب کیا کرتا
لگا کے جان کو اپنی عذاب کیا کرتا

مرزا شوقؔ  لکھنوی

---

---