go hawa-e-gulsitan ne mere dil ki laj rakh li
wo naqab KHud uThate to kuchh aur baat hoti

Agha Hashr Kashmiri

---

---

agarche wo be-parda aae hue hain
chhupane ki chizen chhupae hue hain

Ahmad Husain Mail

---

---

aankhon ko dekhne ka saliqa jab aa gaya
kitne naqab chehra-e-asrar se uThe

Akbar Hyderabadi

---

---

mubham the sab nuqush naqabon ki dhund mein
chehra ek aur bhi pas-e-chehra zarur tha

Akbar Hyderabadi

---

---

zara parda haTa do samne se bijliyan chamken
mera dil jalwa-gah-e-tur ban jae to achchha ho

Ali Zaheer Lakhnavi

---

---

sarakti jae hai ruKH se naqab aahista aahista
nikalta aa raha hai aaftab aahista aahista

the veil slips from her visage at such a gentle pace
as though the sun emerges from a cloud's embrace

Ameer Minai

---

---

abhi raat kuchh hai baqi na uTha naqab saqi
tera rind girte girte kahin phir sambhal na jae

as yet the night does linger on do not remove your veil
lest your besotten follower re-gains stability

Anwar Mirzapuri

---

---