اک تبسم کا بھرم آباد ہونٹوں پر کئے
جی رہے ہیں لوگ اپنی اپنی ویرانی کے ساتھ

مصداق اعظمی

---

---

خوش نما منظر بھی سب دھندھلے نظر آتے ہیں یار
جب دلوں میں بھی اتر جاتی ہے صحراؤں کی خاک

مصداق اعظمی

---

---

بعد مدت گردش تسبیح سے مسکیںؔ ہمیں
دانۂ تسبیح میں زنار آتا ہے نظر

مسکین شاہ

---

---

چھوڑ دیں دیر و حرم کفر اور اسلام کے لوگ
کعبۂ دل میں جو دیکھیں مرے بت خانۂ عشق

مسکین شاہ

---

---

دیر سے کعبہ گئے کعبہ سے معبدگاہ میں
خاک بھی پایا نہیں دیر و حرم کی راہ میں

مسکین شاہ

---

---

خفا بھی ہو کے جو دیکھے تو سر نثار کروں
اگر نہ دیکھے تو پھر بھی ہے اک سلام سے کام

مسکین شاہ

---

---

راہ سے دیر و حرم کی ہے جو کوئے یار میں
ہے وہی دیں دار گر کفار آتا ہے نظر

مسکین شاہ

---

---