ہمارے آسماں کا ہر ستارہ سب پہ روشن ہے
کسی زخم محبت کو نہاں ہم نے نہیں رکھا

مشکور حسین یاد

---

---

ان اشکوں کا دل سے کیا تعلق
یہ شعلے جگر سے آ رہے ہیں

مشکور حسین یاد

---

---

خوش نہ ہو آنسوؤں کی بارش پر
برق ہے چشم تر کے پہلو میں

مشکور حسین یاد

---

---

نقاب اٹھاؤ تو ہر شے کو پاؤ گے سالم
یہ کائنات بطور حجاب ٹوٹتی ہے

مشکور حسین یاد

---

---

عمر گزری سفر کے پہلو میں
خوب سے خوب تر کے پہلو میں

مشکور حسین یاد

---

---

نہ وہ رندان خوش اوقات نہ وہ بزم وفا
عشرت بادۂ گلفام کسے نذر کروں

مسعود اختر جمال

---

---

کون مصلوب ہوا حسن کا کردار کہ ہم
شہرت عشق میں بدنام ہوا یار کہ ہم

مسعود قریشی

---

---