مجھے تجھ سے شکایت بھی ہے لیکن یہ بھی سچ ہے
تجھے اے زندگی میں والہانہ چاہتا ہوں

خوشبیر سنگھ شادؔ

---

---

نہ جانے کتنی اذیت سے خود گزرتا ہے
یہ زخم تب کہیں جا کر نشاں بناتا ہے

خوشبیر سنگھ شادؔ

---

---

نئے منظر کے خوابوں سے بھی ڈر لگتا ہے ان کو
پرانے منظروں سے جن کی آنکھیں کٹ چکی ہیں

خوشبیر سنگھ شادؔ

---

---

نئی مشکل کوئی درپیش ہر مشکل سے آگے ہے
سفر دیوانگی کا عشق کی منزل سے آگے ہے

خوشبیر سنگھ شادؔ

---

---

رات میری آنکھوں میں کچھ عجیب چہرے تھے
اور کچھ صدائیں تھیں خامشی کے پیکر میں

خوشبیر سنگھ شادؔ

---

---

رفتہ رفتہ سب تصویریں دھندلی ہونے لگتی ہیں
کتنے چہرہ ایک پرانے البم میں مر جاتے ہیں

خوشبیر سنگھ شادؔ

---

---

رگوں میں زہر خاموشی اترنے سے ذرا پہلے
بہت تڑپی کوئی آواز مرنے سے ذرا پہلے

خوشبیر سنگھ شادؔ

---

---