یہ تیرا تاج نہیں ہے ہماری پگڑی ہے
یہ سر کے ساتھ ہی اترے گی سر کا حصہ ہے

خوشبیر سنگھ شادؔ

---

---

ذرا یہ دھوپ ڈھل جائے تو ان کا حال پوچھیں گے
یہاں کچھ سائے اپنے آپ کو پیکر بتاتے ہیں

خوشبیر سنگھ شادؔ

---

---

گالیاں غیر سے سناتے ہو
ہاں میاں اور تم سے کیا ہوگا

خواجہ امین الدین امین

---

---

میں در گزرا صاحب سلامت سے بھی
خدا کے لئے اتنا برہم نہ ہو

خواجہ امین الدین امین

---

---

صبح گر صبح قیامت ہو تو کچھ پروا نہیں
ہجر کی جب رات ایسی بے قراری میں کٹی

خواجہ امین الدین امین

---

---

ہر تمنا دل سے رخصت ہو گئی
اب تو آ جا اب تو خلوت ہو گئی

خواجہ عزیز الحسن مجذوب

---

---

ہم ترا نزع تلک جور سہے جاتے ہیں
یاد آئیں گے بہت اتنا کہے جاتے ہیں

خواجہ میر امانی

---

---