دل میں امنگ اور ارادہ کوئی تو ہو
بے کیف زندگی میں تماشا کوئی تو ہو

خلیل مامون

---

---

فتح کے جشن میں ہیں سب سرشار
میں تو اپنی ہی مات میں گم ہوں

خلیل مامون

---

---

ہر ایک جگہ بھٹکتے پھریں گے ساری عمر
بالآخر اپنے ہی گھر جائیں گے کسی دن ہم

خلیل مامون

---

---

ہر ایک کام ہے دھوکہ ہر ایک کام ہے کھیل
کہ زندگی میں تماشا بہت ضروری ہے

خلیل مامون

---

---

ہزاروں چاند ستارے چمک گئے ہوتے
کبھی نظر جو تری مائل کرم ہوتی

خلیل مامون

---

---

جنگلوں میں کہیں کھو جانا ہے
جانور پھر مجھے ہو جانا ہے

خلیل مامون

---

---

جواب ڈھونڈ کے سارے جہاں سے جب لوٹے
ہمیں تو کر گیا یک لخت لا جواب کوئی

خلیل مامون

---

---