سبھی کردار تھک کر سو گئے ہیں
مگر اب تک کہانی چل رہی ہے

خاور جیلانی

---

---

سچائی وہ جنگ ہے جس میں بعض اوقات سپاہی کو
آپ مقابل اپنے ہی ڈٹ جانا پڑتا ہے

خاور جیلانی

---

---

صبح ہوتی ہے تو کنج خوش گمانی میں کہیں
پھینک دی جاتی ہے شب بھر کی سیاہی باندھ کر

خاور جیلانی

---

---

وقت گزر جاتا ہے لیکن دل کی رنجش
دل میں بیٹھی کی بیٹھی ہی رہ جاتی ہے

خاور جیلانی

---

---

وہ کہ بن پا نہیں رہا مجھ سے
جو کہ شاید بنا رہا ہوں میں

خاور جیلانی

---

---

وہ کچھ سے کچھ بنا ڈالے گا تسلیمات کے معنی
سلیقہ آ گیا اس کو اگر انکار کرنے کا

خاور جیلانی

---

---

یوں ہی بے کار میں پڑا خود کو
کار آمد بنا رہا ہوں میں

خاور جیلانی

---

---