خموشی میں ہر بات بن جائے ہے
جو بولے ہے دیوانہ کہلائے ہے

کلیم عاجز

---

---

کچھ روز سے ہم شہر میں رسوا نہ ہوئے ہیں
آ پھر کوئی الزام لگانے کے لئے آ

کلیم عاجز

---

---

کیا ستم ہے کہ وہ ظالم بھی ہے محبوب بھی ہے
یاد کرتے نہ بنے اور بھلائے نہ بنے

کلیم عاجز

---

---

مے میں کوئی خامی ہے نہ ساغر میں کوئی کھوٹ
پینا نہیں آئے ہے تو چھلکائے چلو ہو

کلیم عاجز

---

---

میں محبت نہ چھپاؤں تو عداوت نہ چھپا
نہ یہی راز میں اب ہے نہ وہی راز میں ہے

کلیم عاجز

---

---

مرنا تو بہت سہل سی اک بات لگے ہے
جینا ہی محبت میں کرامات لگے ہے

کلیم عاجز

---

---

موسم گل ہمیں جب یاد آیا
جتنا غم بھولے تھے سب یاد آیا

کلیم عاجز

---

---