حقیقتوں کا جلال دیں گے صداقتوں کا جمال دیں گے
تجھے بھی ہم اے غم زمانہ غزل کے سانچے میں ڈھال دیں گے

کلیم عاجز

---

---

ادھر آ ہم دکھاتے ہیں غزل کا آئنہ تجھ کو
یہ کس نے کہہ دیا گیسو ترے برہم نہیں پیارے

کلیم عاجز

---

---

اک گھر بھی سلامت نہیں اب شہر وفا میں
تو آگ لگانے کو کدھر جائے ہے پیارے

کلیم عاجز

---

---

عشق میں موت کا نام ہے زندگی
جس کو جینا ہو مرنا گوارا کرے

کلیم عاجز

---

---

کبھی ایسا بھی ہووے ہے روتے روتے
جگر تھام کر مسکرانا پڑے ہے

کلیم عاجز

---

---

کل کہتے رہے ہیں وہی کل کہتے رہیں گے
ہر دور میں ہم ان پہ غزل کہتے رہیں گے

کلیم عاجز

---

---

کرے ہے عداوت بھی وہ اس ادا سے
لگے ہے کہ جیسے محبت کرے ہے

کلیم عاجز

---

---