ہم سے آداب جینے کے سیکھو
ہم بزرگوں میں بیٹھے بہت ہیں

حنا تیموری

---

---

اپنے گھروں کے کر دیے آنگن لہو لہو
ہر شخص میرے شہر کا قابیل ہو گیا

ہیرا نند سوزؔ

---

---

اب تو دیوانوں سے یوں بچ کے گزر جاتی ہے
بوئے گل بھی ترے دامن کی ہوا ہو جیسے

ہوش ترمذی

---

---

دشت وفا میں جل کے نہ رہ جائیں اپنے دل
وہ دھوپ ہے کہ رنگ ہیں کالے پڑے ہوئے

ہوش ترمذی

---

---

دل کو غم راس ہے یوں گل کو صبا ہو جیسے
اب تو یہ درد کی صورت ہی دوا ہو جیسے

ہوش ترمذی

---

---

ملنے کو ہے خموشئ اہل جنوں کی داد
اٹھنے کو ہے زمیں سے دھواں دیکھتے رہو

ہوش ترمذی

---

---

تزئین بزم غم کے لیے کوئی شے تو ہو
روشن چراغ دل نہ سہی جام مے تو ہو

ہوش ترمذی

---

---