بہت تاخیر سے پایا ہے خود کو
میں اپنے صبر کا پھل ہو گئی ہوں

حمیرا راحتؔ

---

---

بنا کر ایک گھر دل کی زمیں پر اس کی یادوں کا
کبھی آباد کرنا ہے کبھی برباد کرنا ہے

حمیرا راحتؔ

---

---

گزر جائے گی ساری رات اس میں
مرا قصہ کہانی سے بڑا ہے

حمیرا راحتؔ

---

---

حضور آپ کوئی فیصلہ کریں تو سہی
ہیں سر جھکے ہوئے دربار بھی لگا ہوا ہے

حمیرا راحتؔ

---

---

جہاں اک شخص بھی ملتا نہیں ہے چاہنے سے
وہاں یہ دل ہتھیلی پر زمانہ چاہتا ہے

حمیرا راحتؔ

---

---

جو منزل تک جا کے اور کہیں مڑ جائے
تم ایسے رستے کے دکھ سے ناواقف ہو

حمیرا راحتؔ

---

---

کبھی کبھی تو جدا بے سبب بھی ہوتے ہیں
سدا زمانے کی تقصیر تھوڑی ہوتی ہے

حمیرا راحتؔ

---

---