ایک دیا کب روک سکا ہے رات کو آنے سے
لیکن دل کچھ سنبھلا تو اک دیا جلانے سے

حسن اکبر کمال

---

---

گئے دنوں میں رونا بھی تو کتنا سچا تھا
دل ہلکا ہو جاتا تھا جب اشک بہانے سے

حسن اکبر کمال

---

---

کل یہی بچے سمندر کو مقابل پائیں گے
آج تیراتے ہیں جو کاغذ کی ننھی کشتیاں

حسن اکبر کمال

---

---

کیا ترجمانیٔ غم دنیا کریں کہ جب
فن میں خود اپنا غم بھی سمویا نہ جا سکا

حسن اکبر کمال

---

---

نہ ٹوٹے اور کچھ دن تجھ سے رشتہ اس طرح میرا
مجھے برباد کر دے تو مگر آہستہ آہستہ

حسن اکبر کمال

---

---

پایا جب سے زخم کسی کو کھونے کا
سیکھا فن ہم نے بے آنسو رونے کا

حسن اکبر کمال

---

---

وفا پرچھائیں کی اندھی پرستش
محبت نام ہے محرومیوں کا

حسن اکبر کمال

---

---