میں ٹوٹنے دیتا نہیں رنگوں کا تسلسل
زخموں کو ہرا کرتا ہوں بھر جانے کے ڈر سے

حسن عزیز

---

---

آئی کیا جی میں تیغ قاتل کے
کہ جدا ہو گئی گلے مل کے

حسن بریلوی

---

---

آپ کی ضد نے مجھے اور پلائی حضرت
شیخ جی اتنی نصیحت بھی بری ہوتی ہے

حسن بریلوی

---

---

ابر ہے گل زار ہے مے ہے خوشی کا دور ہے
آج تو ڈوبے ہوئے دل کو اچھلنے دیجئے

حسن بریلوی

---

---

بولے وہ بوسہ ہائے پیہم پر
ارے کمبخت کچھ حساب بھی ہے

حسن بریلوی

---

---

چوٹ جب دل پر لگے فریاد پیدا کیوں نہ ہو
اے ستم آرا جو ایسا ہو تو ایسا کیوں نہ ہو

حسن بریلوی

---

---

دیکھ آؤ مریض فرقت کو
رسم دنیا بھی ہے ثواب بھی ہے

حسن بریلوی

---

---