نہ جانے کس طرح بستر میں گھس کر بیٹھ جاتی ہیں
وہ آوازیں جنہیں ہم روز باہر چھوڑ آتے ہیں

غضنفر

---

---

رفتہ رفتہ آنکھوں کو حیرانی دے کر جائے گا
خوابوں کا یہ شوق ہمیں ویرانی دے کر جائے گا

غضنفر

---

---

تمہارے ہوتے ہوئے لوگ کیوں بھٹکتے ہیں
کہیں پہ خضر نظر آئے تو سوال کروں

غضنفر

---

---

ذہن کے خانوں میں جانے وقت نے کیا بھر دیا
بے سبب ہونے لگی اک ایک سے ان بن مری

غضنفر

---

---

عجب طرح کا ادھوراپن ہے مرے بیاں میں
سو میرا قصہ کہیں سنانے میں رہ گیا ہے

غضنفر ہاشمی

---

---

کوئی سبب تو تھا کہ غوثؔ فہم و ذکا کے باوجود
کار ثواب چھوڑ کر کار گناہ میں رہے

غوث متھراوی

---

---

کب سے بنجر تھی نظر خواب تو آیا
شکر ہے دشت میں سیلاب تو آیا

غفران امجد

---

---