کہیں نہ ان کی نظر سے نظر کسی کی لڑے
وہ اس لحاظ سے آنکھیں جھکائے بیٹھے ہیں

نوح ناروی

---

---

کہہ رہی ہے یہ تری تصویر بھی
میں کسی سے بولنے والی نہیں

نوح ناروی

---

---

کعبہ ہو کہ بت خانہ ہو اے حضرت واعظ
جائیں گے جدھر آپ نہ جائیں گے ادھر ہم

نوح ناروی

---

---

کعبہ ہو دیر ہو دونوں میں ہے جلوہ اس کا
غور سے دیکھے اگر دیکھنے والا اس کا

نوح ناروی

---

---

جو وقت جائے گا وہ پلٹ کر نہ آئے گا
دن رات چاہئے سحر و شام کا لحاظ

نوح ناروی

---

---

جو اہل ذوق ہیں وہ لطف اٹھا لیتے ہیں چل پھر کر
گلستاں کا گلستاں میں بیاباں کا بیاباں میں

نوح ناروی

---

---

جگر کی چوٹ اوپر سے کہیں معلوم ہوتی ہے
جگر کی چوٹ اوپر سے نہیں معلوم ہوتی ہے

نوح ناروی

---

---

جب ذکر کیا میں نے کبھی وصل کا ان سے
وہ کہنے لگے پاک محبت ہے بڑی چیز

نوح ناروی

---

---

جانے کو جائے فصل گل آنے کو آئے ہر برس
ہم غم زدوں کے واسطے جیسے چمن ویسے قفس

نوح ناروی

---

---