خاک ہو کر ہی ہم پہنچ جاتے
اس طرف کی مگر ہوا بھی نہیں

نوح ناروی

---

---

کوئی یہاں سے چل دیا رونق بام و در نہیں
دیکھ رہا ہوں گھر کو میں گھر ہے مگر وہ گھر نہیں

نوح ناروی

---

---

کچھ اور بن پڑی نہ سوال وصال پر
حیرت سے دیکھ کر وہ مرے منہ کو رہ گئے

نوح ناروی

---

---

لیلیٰ ہے نہ مجنوں ہے نہ شیریں ہے نہ فرہاد
اب رہ گئے ہیں عاشق و معشوق میں ہم آپ

نوح ناروی

---

---

ماجرائے قیس میرے ذہن میں محفوظ ہے
ایک دیوانے سے سنئے ایک دیوانے کا حال

نوح ناروی

---

---

محفل میں تیری آ کے یہ بے آبرو ہوئے
پہلے تھے آپ آپ سے تم تم سے تو ہوئے

نوح ناروی

---

---

میں کوئی حال ستم منہ سے کہوں یا نہ کہوں
اے ستم گر ترے انداز کہے دیتے ہیں

نوح ناروی

---

---

موسم گل ابھی نہیں آیا
چل دیئے گھر میں ہم لگا کر آگ

نوح ناروی

---

---

مذہب عشق و وفا مجھ کو یہ دیتا ہے صلاح
تو جو کافر نہیں ہوتا تو مسلماں بھی نہ ہو

نوح ناروی

---

---