اللہ رے ان کے حسن کی معجز نمائیاں
جس بام پر وہ آئیں وہی کوہ طور ہو

نوح ناروی

---

---

دم جو نکلا تو مدعا نکلا
ایک کے ساتھ دوسرا نکلا

نوح ناروی

---

---

اے نوحؔ نہ ترک شاعری ہو
بے کار مباش کچھ کیا کر

نوح ناروی

---

---

اے نوحؔ کھل چلے تھے وہ ہم سے شب وصال
اتنے میں آفتاب نمودار ہو گیا

نوح ناروی

---

---

اے نوحؔ آتے جاتے ہیں دونوں گھروں میں ہم
بت خانہ ہے قریب بہت خانقاہ سے

نوح ناروی

---

---

اے دیر و حرم والو تم دل کی طرف دیکھو
کعبے کا یہ کعبہ ہے بت خانے کا بت خانہ

نوح ناروی

---

---

ادا آئی جفا آئی غرور آیا حجاب آیا
ہزاروں آفتیں لے کر حسینوں پر شباب آیا

نوح ناروی

---

---

اچھے برے کو وہ ابھی پہچانتے نہیں
کمسن ہیں بھولے بھالے ہیں کچھ جانتے نہیں

نوح ناروی

---

---

ابھی اس قیامت کو میں کیا کہوں
جو گزرے گی جی سے گزرنے کے بعد

نوح ناروی

---

---