aaj aaenge kal aaenge kal aaenge aaj aaenge
muddat se yahi wo kahte hain muddat se yahi hum sunte hain

Nooh Narvi

---

---

aap aae ban paDi mere dil-e-nashad ki
aap bigDe ban gai mere dil-e-nashad pa

Nooh Narvi

---

---

aap jo kahte hain sab hazrat-e-naseh hai baja
kya karun zehn se ye lafz utar jate hain

Nooh Narvi

---

---

aate aate rah par wo aaenge
jate jate bad-gumani jaegi

Nooh Narvi

---

---

abhi us qayamat ko main kya kahun
jo guzregi ji se guzarne ke baad

Nooh Narvi

---

---

achchhe bure ko wo abhi pahchante nahin
kamsin hain bhole-bhaale hain kuchh jaante nahin

Nooh Narvi

---

---

ada aai jafa aai ghurur aaya hijab aaya
hazaron aafaten le kar hasinon par shabab aaya

Nooh Narvi

---

---

ai dair-o-haram walo tum dil ki taraf dekho
kabe ka ye kaba hai but-KHane ka but-KHana

Nooh Narvi

---

---

ai 'nuh' aate jate hain donon gharon mein hum
but-KHana hai qarib bahut KHanqah se

Nooh Narvi

---

---