ہمارے دل سے کیا ارمان سب اک ساتھ نکلیں گے
کہ قیدی مختلف میعاد کے ہوتے ہیں زنداں میں

نوح ناروی

---

---

ہم نے یہ دیکھ لیا دیکھ لیا دیکھ لیا
آپ بھی نوحؔ کے طوفان سے ڈر جاتے ہیں

نوح ناروی

---

---

ہم انتظار کریں ہم کو اتنی تاب نہیں
پلا دو تم ہمیں پانی اگر شراب نہیں

نوح ناروی

---

---

غیر کا عشق ہے کہ میرا ہے
صاف کہہ دو ابھی سویرا ہے

نوح ناروی

---

---

فتنے دبے دبائے تھے جتنے پڑے ہوئے
بیٹھے کہیں ہو تم تو وہ سب اٹھ کھڑے ہوئے

نوح ناروی

---

---

آج آئیں گے کل آئیں گے کل آئیں گے آج آئیں گے
مدت سے یہی وہ کہتے ہیں مدت سے یہی ہم سنتے ہیں

نوح ناروی

---

---

دوستی کو برا سمجھتے ہیں
کیا سمجھ ہے وہ کیا سمجھتے ہیں

نوح ناروی

---

---

دل انہیں دیں گے مگر ہم دیں گے ان شرطوں کے ساتھ
آزما کر جانچ کر سن کر سمجھ کر دیکھ کر

نوح ناروی

---

---

دل نذر کرو ظلم سہو ناز اٹھاؤ
اے اہل تمنا یہ ہیں ارکان تمنا

نوح ناروی

---

---