آتے آتے راہ پر وہ آئیں گے
جاتے جاتے بد گمانی جائے گی

نوح ناروی

---

---

آپ جو کہتے ہیں سب حضرت ناصح ہے بجا
کیا کروں ذہن سے یہ لفظ اتر جاتے ہیں

نوح ناروی

---

---

آپ آئے بن پڑی میرے دل ناشاد کی
آپ بگڑے بن گئی میرے دل ناشاد پر

نوح ناروی

---

---

دوں گا جواب میں بھی بڑی شد و مد کے ساتھ
لکھا ہے اس نے مجھ کو بڑے کر و فر سے خط

نوح ناروی

---

---

اس کم سنی میں ہو انہیں میرا خیال کیا
وہ کے برس کے ہیں ابھی سن کیا ہے سال کیا

نوح ناروی

---

---

اک ستم ڈھانے میں فرد ایک ستم سہنے میں
الغرض ہے نہ تمہارا نہ مرا دل ناقص

نوح ناروی

---

---

حسن مطلق کا نشاں کعبے میں تو ملتا نہیں
احتیاط آؤ چل کر دیکھ لیں بت خانہ ہم

نوح ناروی

---

---

ہزاروں رنج دل دے دے کے معشوقوں کو جھیلے ہیں
یہ پاپڑ کس نے بیلے ہیں یہ پاپڑ میں نے بیلے میں

نوح ناروی

---

---

ہمیں اصرار ملنے پر تمہیں انکار ملنے سے
نہ تم مانو نہ ہم مانیں نہ یہ کم ہو نہ وہ کم ہو

نوح ناروی

---

---