لاکھ آفتاب پاس سے ہو کر گزر گئے
ہم بیٹھے انتظار سحر دیکھتے رہے

a million suns have come and gone
still I sat waiting watching out for dawn

جگر مراد آبادی

---

---

لاکھوں میں انتخاب کے قابل بنا دیا
جس دل کو تم نے دیکھ لیا دل بنا دیا

جگر مراد آبادی

---

---

لبوں پہ موج تبسم نگہ میں برق غضب
کوئی بتائے یہ انداز برہمی کیا ہے

جگر مراد آبادی

---

---

لے کے خط ان کا کیا ضبط بہت کچھ لیکن
تھرتھراتے ہوئے ہاتھوں نے بھرم کھول دیا

جگر مراد آبادی

---

---

میں جہاں ہوں ترے خیال میں ہوں
تو جہاں ہے مری نگاہ میں ہے

جگر مراد آبادی

---

---

میں تو جب مانوں مری توبہ کے بعد
کر کے مجبور پلا دے ساقی

جگر مراد آبادی

---

---

مے کشو مژدہ کہ باقی نہ رہی قید مکاں
آج اک موج بہا لے گئی میخانے کو

جگر مراد آبادی

---

---

مرگ عاشق تو کچھ نہیں لیکن
اک مسیحا نفس کی بات گئی

جگر مراد آبادی

---

---

مسرت زندگی کا دوسرا نام
مسرت کی تمنا مستقل غم

جگر مراد آبادی

---

---