agar fursat mile pani ki tahriron ko paDh lena
har ek dariya hazaron sal ka afsana likhta hai

Bashir Badr

---

---

wo the jawab ke sahil pe muntazir lekin
samay ki naw mein mera sawal Dub gaya

Bekal Utsahi

---

---

allah tere hath hai ab aabru-e-shauq
dam ghuT raha hai waqt ki raftar dekh ka

Bismil Azimabadi

---

---

waqt barbaad karne walon ko
waqt barbaad kar ke chhoDega

Divakar Rahi

---

---

waqt ko bas guzar lena hi
dosto koi zindagani hai

Divakar Rahi

---

---

na ibtida ki KHabar hai na intiha malum
raha ye wahm ki hum hain so wo bhi kya malum

Fani Badayuni

---

---

koi Thaharta nahin yun to waqt ke aage
magar wo zaKHm ki jis ka nishan nahin jata

Farrukh Jafari

---

---