aur kya chahti hai gardish-e-ayyam ki hum
apna ghar bhul gae un ki gali bhul gae

Jaun Eliya

---

---

ye na-guzir hai ummid ki numu ke liye
guzarta waqt kahin tham gaya to kya hoga?

Jawad Sheikh

---

---

ya wo the KHafa hum se ya hum hain KHafa un se
kal un ka zamana tha aaj apna zamana hai

Jigar Moradabadi

---

---

waqt pujega hamein waqt hamein DhunDega
aur tum waqt ke ham-rah chaloge yaro

Khaleeq Qureshi

---

---

tu mujhe bante bigaDte hue ab ghaur se dekh
waqt kal chaak pe rahne de na rahne de mujhe

Khursheed Rizvi

---

---

hamein har waqt ye ehsas daman-gir rahta hai
paDe hain Dher sare kaam aur mohlat zara si hai

Khurshid Talab

---

---

waqt ki gardishon ka gham na karo
hausle mushkilon mein palte hain

Mahfuzur Rahman Adil

---

---