wo waqt ka jahaz tha karta lihaz kya
main doston se hath milane mein rah gaya

Hafeez Merathi

---

---

ek sal gaya ek sal naya hai aane ko
par waqt ka ab bhi hosh nahin diwane ko

Ibn e Insha

---

---

jab aa jati hai duniya ghum phir kar apne markaz par
to wapas lauT kar guzre zamane kyun nahin aate

Ibrat Machlishahri

---

---

waqt ki mauj hamein par lagati kaise
hum ne hi jism se bandhe hue patthar the bahut

Jaleel Haider Lashari

---

---

diya bujha phir jal jae aur rut bhi palTa khae
phir jo hath se jae samay wo kabhi na lauT ke aae

Jamal Panipati

---

---

moti munge kankar patthar bache na koi bhai
samay ki chakki sab ko pise kya parbat kya rai

Jamal Panipati

---

---

abu-giri karte ho gae 'ali' ko do sal
murjhaya wo phul sa chehra bhure paD gae baal

Jameeluddin Aali

---

---