حال دل سن کے وہ آزردہ ہیں شاید ان کو
اس حکایت پہ شکایت کا گماں گزرا ہے

عبد المجید سالک

---

---

زندگی سے یہی گلہ ہے مجھے
تو بہت دیر سے ملا ہے مجھے

احمد فراز

---

---

چپ رہو تو پوچھتا ہے خیر ہے
لو خموشی بھی شکایت ہو گئی

اختر انصاری اکبرآبادی

---

---

سر محشر یہی پوچھوں گا خدا سے پہلے
تو نے روکا بھی تھا بندے کو خطا سے پہلے

آنند نرائن ملا

---

---

اک تیری بے رخی سے زمانہ خفا ہوا
اے سنگ دل تجھے بھی خبر ہے کہ کیا ہوا

عرش صدیقی

---

---

ہمیں تو اپنی تباہی کی داد بھی نہ ملی
تری نوازش بیجا کا کیا گلا کرتے

عرشی بھوپالی

---

---

کہہ کے یہ اور کچھ کہا نہ گیا
کہ مجھے آپ سے شکایت ہے

آرزو لکھنوی

---

---