tum aziz aur tumhaara gham bhi aziz
kis se kis ka gila kare koi

Hadi Machlishahri

---

---

ye kis maqam pe lai hai zindagi hum ko
hansi labon pe hai sine mein gham ka daftar hai

Hafeez Banarasi

---

---

zamane bhar ke gham ya ek tera gham
ye gham hoga to kitne gham na honge

your sorrow or a world of pain
if this be there none will remain

Hafeez Hoshiarpuri

---

---

ilahi ek gham-e-rozgar kya kam tha
ki ishq bhej diya jaan-e-mubtala ke liye

Hafeez Jalandhari

---

---

phir de ke KHushi hum use nashad karen kyun
gham hi se tabiat hai agar shad kisi ki

Hafeez Jalandhari

---

---

siwae ranj kuchh hasil nahin hai is KHarabe mein
ghanimat jaan jo aaram tu ne koi dam paya

Haidar Ali Aatish

---

---

gham ki takmil ka saman hua hai paida
laiq-e-faKHr meri be-sar-o-samani hai

Hanson Rehani

---

---