hule-bisre hue gham phir ubhar aate hain kai
aaina dekhen to chehre nazar aate hain kai

Fuzail Jafri

---

---

DhunD laya hun KHushi ki chhanw jis ke waste
ek gham se bhi use do-chaar karna hai mujhe

Ghulam Husain Sajid

---

---

hum ne tumhaare gham ko haqiqat bana diya
tum ne hamare gham ke fasane banae hain

Ghulam Mohammad Qasir

---

---

koi ek zaiqa nahin milta
gham mein shamil KHushi si rahti hai

Ghulam Murtaza Rahi

---

---

wo bhala kaise batae ki gham-e-hijr hai kya
jis ko aaghosh-e-mohabbat kabhi hasil na hua

Habeeb Ahmad Siddiqui

---

---

edard mujh se sharh-e-gham-e-zindagi na puchh
kafi hai is qadar ki jiye ja raha hun main

Hadi Machlishahri

---

---

gham-e-dil ab kisi ke bas ka nahin
kya dawa kya dua kare koi

Hadi Machlishahri

---

---