aish hi aish hai na sab gham hai
zindagi ek hasin sangam hai

Ali Jawwad Zaidi

---

---

hum ahl-e-dil ne meayar-e-mohabbat bhi badal Dale
jo gham har fard ka gham hai usi ko gham samajhte hain

Ali Jawwad Zaidi

---

---

meri zindagi ka hasil tere gham ki pasdari
tere gham ki aabru hai mujhe har KHushi se pyari

Amir Usmani

---

---

sach hai umr bhar kis ka kaun sath deta hai
gham bhi ho gaya ruKHsat dil ko chhoD kar tanha

Anwar Shuoor

---

---

gham-e-jahan o gham-e-yar do kinare hain
udhar jo Dube wo aksar idhar nikal aae

Arshad Abdul Hamid

---

---

na aaya gham bhi mohabbat mein sazgar mujhe
wo KHud taDap gae dekha jo be-qarar mujhe

Asad Bhopali

---

---

fikr-e-jahan dard-e-mohabbat firaq-e-yar
kya kahiye kitne gham hain meri zindagi ke sath

Asar Akbarabadi

---

---