patthar ke jigar walo gham mein wo rawani hai
KHud rah bana lega bahta hua pani hai

Bashir Badr

---

---

gham mein Dube hi rahe dam na hamara nikla
bahr-e-hasti ka bahut dur kinara nikla

Bekhud Dehlvi

---

---

hae kitna latif hai wo gham
jis ne baKHsha hai zindagi ka shuu

Chandra Parkash Jauhar Bijnauri

---

---

ek ishq ka gham aafat aur us pe ye dil aafat
ya gham na diya hota ya dil na diya hota

Chiragh Hasan Hasrat

---

---

ishq ne jis dil pe qabza kar liya
phir kahan us mein nashat o gham rahe

Dattatriya Kaifi

---

---

tum se ab kya kahen wo chiz hai dagh-e-gham-e-ishq
ki chhupae na chhupe aur dikhae na bane

Dattatriya Kaifi

---

---

agar maujen Dubo detin to kuchh taskin ho jati
kinaron ne Duboya hai mujhe is baat ka gham hai

Divakar Rahi

---

---