kis tarah apni mohabbat ki main takmil karun
gham-e-hasti bhi to shamil hai gham-e-yar ke sath
Qateel Shifai
gham mujhe dete ho auron ki KHushi ke waste
kyun bure bante ho tum nahaq kisi ke waste
you heap these sorrows onto me, why for other's sake?
For someone else, needlessly this blame why do you take?
Riyaz Khairabadi
gham aur KHushi mein farq na mahsus ho jahan
main dil ko us maqam pe lata chala gaya
Sahir Ludhianvi
un ka gham un ka tasawwur un ke shikwe ab kahan
ab to ye baaten bhi ai dil ho gain aai gai
Sahir Ludhianvi
chingariyan na Dal mere dil ke ghao mein
main KHud hi jal raha hun ghamon ke alao mein
Saif Zulfi
kaun kisi ka gham khata hai
kahne ko gham-KHwar hai duniya
Sauda Mohammad Rafi
ab to KHushi ka gham hai na gham ki KHushi mujhe
be-his bana chuki hai bahut zindagi mujhe
Shakeel Badayuni