saut kya shai hai KHamushi kya hai
gham kise kahte hain KHushi kya hai

Farhat Shahzad

---

---

yahi hai daur-e-gham-e-ashiqi to kya hoga
isi tarah se kaTi zindagi to kya hoga

Farigh Bukhari

---

---

gham-e-ishq hi ne kaTi gham-e-ishq ki musibat
isi mauj ne Duboya isi mauj ne ubhaara

Farooq Banspari

---

---

safed-poshi-e-dil ka bharam bhi rakhna hai
teri KHushi ke liye tera gham bhi rakhna hai

Fazil Jamili

---

---

a-qadr-e-zauq mere ashk-e-gham ki tarjumani hai
koi kahta hai moti hai koi kahta hai pani hai

Figar Unnavi

---

---

gham-o-alam se jo tabir ki KHushi main ne
bahut qarib se dekhi hai zindagi main ne

Figar Unnavi

---

---

tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---