gham se bikhra na paemal hua
main to gham se hi be-misal hua

Hasan Nayeem

---

---

shikwa-e-gham tere huzur kiya
hum ne be-shak baDa qusur kiya

Hasrat Mohani

---

---

ahen gham ki sharar-angeziyan ya-rab qayamat tak
'haya' gham se na milti gar kabhi fursat to achchha tha

Haya Lakhnavi

---

---

phir meri aas baDha kar mujhe mayus na kar
hasil-e-gham ko KHuda-ra gham-e-hasil na bana

Himayat Ali Shayar

---

---

dil ko gham ras hai yun gul ko saba ho jaise
ab to ye dard ki surat hi dawa ho jaise

Hosh Tirmizi

---

---

aashob-e-iztirab mein khaTka jo hai to ye
gham tera mil na jae gham-e-rozgar mein

Iqbal Suhail

---

---

hazar tarah ke the ranj pichhle mausam mein
par itna tha ki koi sath rone wala tha

Jamal Ehsani

---

---