na jaane haar hai ya jit kya hai
ghamon par muskurana aa gaya hai

Ehtisham Husain

---

---

dil na-umid to nahin nakaam hi to hai
lambi hai gham ki sham magar sham hi to hai

Faiz Ahmad Faiz

---

---

jab tujhe yaad kar liya subh mahak mahak uThi
jab tera gham jaga liya raat machal machal gai

When your thoughts arose, fragrant was the morn
When your sorrow's woke, the night was all forlorn

Faiz Ahmad Faiz

---

---

kar raha tha gham-e-jahan ka hisab
aaj tum yaad be-hisab aae

Faiz Ahmad Faiz

---

---

gham se nazuk zabt-e-gham ki baat hai
ye bhi dariya hai magar Thahra hua

Fana Nizami Kanpuri

---

---

yun na kisi tarah kaTi jab meri zindagi ki raat
chheD ke dastan-e-gham dil ne mujhe sula diya

Fani Badayuni

---

---

yaro hudud-e-gham se guzarne laga hun main
mujh ko sameT lo ki bikharne laga hun main

Faragh Rohvi

---

---