زندگی نام ہے اک جہد مسلسل کا فناؔ
راہرو اور بھی تھک جاتا ہے آرام کے بعد

فنا نظامی کانپوری

---

---

ہرمصیبت کا دیا ایک تبسم سے جواب
اس طرح گردش دوراں کو رلایا میں نے

فانی بدایونی

---

---

موجوں کی سیاست سے مایوس نہ ہو فانیؔ
گرداب کی ہر تہہ میں ساحل نظر آتا ہے

فانی بدایونی

---

---

مرے ناخدا نہ گھبرا یہ نظر ہے اپنی اپنی
ترے سامنے ہے طوفاں مرے سامنے کنارا

فاروق بانسپاری

---

---

مزاج الگ سہی ہم دونوں کیوں الگ ہوں کہ ہیں
سراب و آب میں پوشیدہ قربتیں کیا کیا

فضیل جعفری

---

---

کوئی اک ذائقہ نہیں ملتا
غم میں شامل خوشی سی رہتی ہے

غلام مرتضی راہی

---

---

چلے چلیے کہ چلنا ہی دلیل کامرانی ہے
جو تھک کر بیٹھ جاتے ہیں وہ منزل پا نہیں سکتے

حفیظ بنارسی

---

---