نہ کر سوداؔ تو شکوہ ہم سے دل کی بے قراری کا
محبت کس کو دیتی ہے میاں آرام دنیا میں
محمد رفیع سودا
محبت میں اک ایسا وقت بھی آتا ہے انساں پر
ستاروں کی چمک سے چوٹ لگتی ہے رگ جاں پر
سیماب اکبرآبادی
وصال یار سے دونا ہوا عشق
مرض بڑھتا گیا جوں جوں دوا کی
شاد لکھنوی
عشق کی ابتدا تو جانتے ہیں
عشق کی انتہا نہیں معلوم
شفیق جونپوری
یا تیرے علاوہ بھی کسی شے کی طلب ہے
یا اپنی محبت پہ بھروسا نہیں ہم کو
شہریار
یہ کیا ہے محبت میں تو ایسا نہیں ہوتا
میں تجھ سے جدا ہو کے بھی تنہا نہیں ہوتا
شہریار
سینے میں بے قرار ہیں مردہ محبتیں
ممکن ہے یہ چراغ کبھی خود ہی جل پڑے
شہزاد احمد
ٹیگز:
| محابب |
| 2 لائنیں شیری |