بت کدے سے چلے ہو کعبے کو
کیا ملے گا تمہیں خدا کے سوا

حفیظ جالندھری

---

---

وفا جس سے کی بے وفا ہو گیا
جسے بت بنایا خدا ہو گیا

I was constant but she eschewed fidelity
the one I idolized, alas, claimed divinity

حفیظ جالندھری

---

---

اے صنم جس نے تجھے چاند سی صورت دی ہے
اسی اللہ نے مجھ کو بھی محبت دی ہے

حیدر علی آتش

---

---

اگر تیری خوشی ہے تیرے بندوں کی مسرت میں
تو اے میرے خدا تیری خوشی سے کچھ نہیں ہوتا

ہری چند اختر

---

---

ایماں بھی لاج رکھ نہ سکا میرے جھوٹ کی
اپنے خدا پہ کتنا مجھے اعتماد تھا

حمایت علی شاعرؔ

---

---

تعریف اس خدا کی جس نے جہاں بنایا
کیسی زمیں بنائی کیا آسماں بنایا

اسماعیلؔ میرٹھی

---

---

ہم یہاں خود آئے ہیں لایا نہیں کوئی ہمیں
اور خدا کا ہم نے اپنے نام پر رکھا ہے نام

جون ایلیا

---

---