جھولیاں سب کی بھرتی جاتی ہیں
دینے والا نظر نہیں آتا

امجد حیدر آبادی

---

---

سر محشر یہی پوچھوں گا خدا سے پہلے
تو نے روکا بھی تھا بندے کو خطا سے پہلے

آنند نرائن ملا

---

---

آپ کرتے جو احترام بتاں
بتکدے خود خدا خدا کرتے

انور صابری

---

---

ہم کہ مایوس نہیں ہیں انہیں پا ہی لیں گے
لوگ کہتے ہیں کہ ڈھونڈے سے خدا ملتا ہے

عرش صدیقی

---

---

دہر میں اک ترے سوا کیا ہے
تو نہیں ہے تو پھر بھلا کیا ہے

عزیز تمنائی

---

---

زاہدا کعبے کو جاتا ہے تو کر یاد خدا
پھر جہازوں میں خیال ناخدا کرتا ہے کیوں

بہرام جی

---

---

خدا ایسے احساس کا نام ہے
رہے سامنے اور دکھائی نہ دے

بشیر بدر

---

---