یا رب نوائے دل سے یہ کان آشنا سے ہیں
آواز آ ہی ہے یہ کب کی سنی ہوئی

فانی بدایونی

---

---

یارب تری رحمت سے مایوس نہیں فانیؔ
لیکن تری رحمت کی تاخیر کو کیا کہیے

فانی بدایونی

---

---

یوں چرائیں اس نے آنکھیں سادگی تو دیکھیے
بزم میں گویا مری جانب اشارا کر دیا

فانی بدایونی

---

---

یوں نہ کسی طرح کٹی جب مری زندگی کی رات
چھیڑ کے داستان غم دل نے مجھے سلا دیا

فانی بدایونی

---

---

یوں نہ قاتل کو جب یقیں آیا
ہم نے دل کھول کر دکھائی چوٹ

فانی بدایونی

---

---

زمانہ بر سر آزار تھا مگر فانیؔ
تڑپ کے ہم نے بھی تڑپا دیا زمانے کو

فانی بدایونی

---

---

ذکر جب چھڑ گیا قیامت کا
بات پہنچی تری جوانی تک

فانی بدایونی

---

---