qatl ho to mera sa maut ho to meri si
mere sogwaron mein aaj mera qatil hai

Today amongst my mourners, my murderer too grieves
A death, a murder as was mine, all lovers should attain

Ameer Qazalbash

---

---

yun na qatil ko jab yaqin aaya
hum ne dil khol kar dikhai choT

Fani Badayuni

---

---

shahr ke aain mein ye mad bhi likkhi jaegi
zinda rahna hai to qatil ki sifarish chahiye

Hakeem Manzoor

---

---

qatil ne kis safai se dhoi hai aastin
us ko KHabar nahin ki lahu bolta bhi hai

Iqbal Azeem

---

---

mere hone mein kisi taur se shamil ho jao
tum masiha nahin hote ho to qatil ho jao

Irfan Siddiqi

---

---

jab lagen zaKHm to qatil ko dua di jae
hai yahi rasm to ye rasm uTha di jae

Jaan Nisar Akhtar

---

---

ye sach hai chand lamhon ke liye bismil taDapta hai
phir is ke baad sari zindagi qatil taDapta hai

Khushbir Singh Shaad

---

---