اک نوائے رفتہ کی بازگشت تھی قیسیؔ
دل جسے سمجھتے تھے دشت بے صدا نکلا

عزیز قیسی

---

---

جتنے تھے رنگ حسن بیاں کے بگڑ گئے
لفظوں کے باغ شہر کی صورت اجڑ گئے

عزیز قیسی

---

---

جو زخم دوستوں نے دیے ہیں وہ چھپ تو جائیں
پر دشمنوں کی سمت سے پتھر کوئی تو آئے

عزیز قیسی

---

---

کئی بار دور کساد میں گرے مہر و ماہ کے دام بھی
مگر ایک قیمت جنس دل جو کھری رہی تو کھری رہی

عزیز قیسی

---

---

کیا ہاتھ اٹھائیے دعا کو
ہم ہاتھ اٹھا چکے دعا سے

عزیز قیسی

---

---

نظر اٹھاؤ تو جھوم جائیں نظر جھکاؤ تو ڈگمگائیں
تمہاری نظروں سے سیکھتے ہیں طریق موت و حیات کے ہم

عزیز قیسی

---

---

تجھے سینے سے لگا لوں تجھے دل میں رکھ لوں
درد کی چھاؤں میں زخموں کی اماں میں آ جا

عزیز قیسی

---

---