اسے بھی جاتے ہوئے تم نے مجھ سے چھین لیا
تمہارا غم تو مری آرزو کا زیور تھا

آزاد گلاٹی

---

---

وقت کا یہ موڑ کیسا ہے کہ تجھ سے مل کے بھی
تجھ کو کھو دینے کا غم کچھ اور گہرا ہو گیا

آزاد گلاٹی

---

---

وہ وقت آئے گا جب خود تمہی یہ سوچو گی
ملا نہ ہوتا اگر تجھ سے میں تو بہتر تھا

آزاد گلاٹی

---

---

یادوں کی محفل میں کھو کر
دل اپنا تنہا تنہا ہے

آزاد گلاٹی

---

---

یہ میں تھا یا مرے اندر کا خوف تھا جس نے
تمام عمر دی تنہائی کی سزا مجھ کو

آزاد گلاٹی

---

---

زندگی اے زندگی!! آ دو گھڑی مل کر رہیں
تجھ سے میرا عمر بھر کا تو کوئی جھگڑا نہ تھا

آزاد گلاٹی

---

---

اس طرح پھونک میرا گلستان آرزو
پھر کوئی تیرے بعد اسے ویراں نہ کر سکے

اعظم چشتی

---

---