جی نہ سکوں میں جس کے بغیر
اکثر یاد نہ آیا وہ

اطہر نفیس

---

---

کبھی سایہ ہے کبھی دھوپ مقدر میرا
ہوتا رہتا ہے یوں ہی قرض برابر میرا

اطہر نفیس

---

---

خوابوں کے افق پر ترا چہرہ ہو ہمیشہ
اور میں اسی چہرے سے نئے خواب سجاؤں

اطہر نفیس

---

---

کسی نا خواندہ بوڑھے کی طرح خط اس کا پڑھتا ہوں
کہ سو سو بار اک اک لفظ سے انگلی گزرتی ہے

اطہر نفیس

---

---

لمحوں کے عذاب سہ رہا ہوں
میں اپنے وجود کی سزا ہوں

اطہر نفیس

---

---

میں تیرے قریب آتے آتے
کچھ اور بھی دور ہو گیا ہوں

اطہر نفیس

---

---

اس نے مری نگاہ کے سارے سخن سمجھ لیے
پھر بھی مری نگاہ میں ایک سوال ہے نیا

اطہر نفیس

---

---