کس درجہ مرے شہر کی دل کش ہے فضا بھی
مانوس ہر اک چیز ہے مٹی بھی ہوا بھی

اطہر نادر

---

---

کوئی ملے نہ ملے بیقرار رہتا ہے
کہ دل کا حال بھی اک موج آب جیسا ہے

اطہر نادر

---

---

کوئی نہیں ہے ایسا کہ اپنا کہیں جسے
کیسا طلسم ٹوٹا ہے اپنے گمان کا

اطہر نادر

---

---

لوگ کیا سادہ ہیں امید وفا رکھتے ہیں
جیسے معلوم نہیں ان کو حقیقت تیری

اطہر نادر

---

---

لوگ قسمت پہ چھوڑ دیتے ہیں
بات بنتی نہیں ہے جب کچھ بھی

اطہر نادر

---

---

رات آنگن میں چاند اترا تھا
تم ملے تھے کہ خواب دیکھا تھا

اطہر نادر

---

---

سکون قلب تو کیا ہے قرار جاں بھی لٹا
تمہاری یاد بھی آئی تو راہزن کی طرح

اطہر نادر

---

---