رقم کروں بھی تو کیسے میں داستان وفا
حروف پھرتے ہیں بیگانے میرے کاغذ سے

ارشد جمال صارمؔ

---

---

سپرد آب یوں ہی تو نہیں کرتا ہوں خاک اپنی
عجب مٹی کے گھلنے کا مزا بارش میں رہتا ہے

ارشد جمال صارمؔ

---

---

وہ اک لمحہ سزا کاٹی گئی تھی جس کی خاطر
وہ لمحہ تو ابھی ہم نے گزارہ ہی نہیں تھا

ارشد جمال صارمؔ

---

---

زندگی ہم سے تری آنکھ مچولی کب تک
اک نہ اک روز کسی موڑ پہ آ لیں گے تجھے

ارشد جمال صارمؔ

---

---

زندگی تو بھی ہمیں ویسے ہی اک روز گزار
جس طرح ہم تجھے برسوں سے گزارے ہوئے ہیں

ارشد جمال صارمؔ

---

---

جانے شب کو کیا سوجھی تھی رندوں کو سمجھانے آئے
صبح کو سارے مے کش ان کو مسجد تک پہنچانے آئے

ارشد کاکوی

---

---

بلا سبب تو کوئی برگ بھی نہیں ہلتا
تو اپنے آج پہ اثرات کل کے دیکھ ذرا

ارشد کمال

---

---