ترے ہونٹھوں سے شرما کر پسینے میں ہوا یہ تر
خضر نے خود عرق پونچھا جبین آب حیواں کا

ارشد علی خان قلق

---

---

عمر تو اپنی ہوئی سب بت پرستی میں بسر
نام کو دنیا میں ہیں اب صاحب اسلام ہم

ارشد علی خان قلق

---

---

ان واعظوں کی ضد سے ہم اب کی بہار میں
توڑیں گے توبہ پیر مغاں کی دکان پر

ارشد علی خان قلق

---

---

وہ ایک رات تو مجھ سے الگ نہ سوئے گا
ہوا جو لذت بوس و کنار سے واقف

ارشد علی خان قلق

---

---

وہ رند ہوں کہ مجھے ہتھکڑی سے بیعت ہے
ملا ہے گیسوئے جاناں سے سلسلہ دل کا

ارشد علی خان قلق

---

---

یاد دلوایئے ان کو جو کبھی وعدۂ وصل
تو وہ کس ناز سے فرماتے ہیں ہم بھول گئے

ارشد علی خان قلق

---

---

یار کی فرط نزاکت کا ہوں میں شکر گزار
دھیان بھی اس کا مرے دل سے نکلنے نہ دیا

ارشد علی خان قلق

---

---